1. Политиката е најчесто употребуваниот збор, најпосакуваната професија и едновремено, најизвиканата. Во секој случај е - неизбежна. Што е всушност политика? Академските дефиниции велат дека е феномен во кој група луѓе донесуват одлуки, практикуват мерки, спроведуват активности, а во корист на  заедницата. Тоа подразбира соодветни договорени правила на игра и односи, организација, хиерархија, а подеталните објаснувања зафаќаат области како што се центри на моќ, лобирање, конкуренција и тн. 

Ако трите прасиња избегале од дома затоа што родителите им биле свињи, тогаш за причините за масовниот егзодус на младите од земјава, нека се замислат оние што скоро секоја година распишуваат избори „за да ги решат народните проблеми“.

Понекогаш размислувам... а бе како понекогаш, постојано таму ми е умот -зошто и по толку години од осамостојувањето се уште сме во длабока сиромаштија, криза и бесперспективност? И не само тоа, туку не гледам дека некој има реална визија - што понатаму? Во континуитет, цели 23 години сме под притисок и очекување дека некоја ѕверка ќе не изеде. Си го замислуваме, демек, Судниот ден, ама пак елитата од која очекуваме да не извади од оваа состојба, изгледа абер си нема. Единствено чаре е да престанеме да кукаме и да се фатиме за работа.

Кусото паметење на избраните и избирачите

• Пикнолепсијата е феномен својствен за толпата. Најчесто се манифестира пост-изборно, при што масите брзо заборават на изборната кампања кога секое ќоше од нивниот живот е залепено со плаката, или преплавено со реклама. Конфузијата на тие денови се лечи со забрзано бришење на колективната меморија за виденото и поверуваното.
• Бројни настани се случуваат и многу говори се држат, многу програми за работа се делат, многу флаери се читаат, а сепак, електоратот во Битола како новороденче зјапа во своевидниот плурализам во сингулар на вториот круг.

Електоратот е специфична маса детерминирана од категории како што е возраста, социјалниот статус, етничката припадност и тн. Ваквото научно толкување може да се сведе на едноставно објаснувањето дека електроратот, изборното тело, е само толпа која треба да се придобие и „правилно да се насочи во употребата на своето ценето гласачко право“, се разбира за подобро утре, од она што било денес.

Монетите не се само платежно средство, туку и одраз на соодветната епоха, на нејзините карактеристики, на историските околности  случувањата, одраз на уметничките правци, на религијата, културата  и сл. Накусо, преку монетите може да се долови духот на едно време. Можеби затоа страста на колекционерите кон монетите  е толку голема, без оглед на тоа дали се работи за монети од благородни метали, или за монети од обична бронза, бакар... Музеите овие мали парчиња метал гордо ги изложуваат во витрините, а пак некои колекционери љубоморно ги чуваат, далеку од очите на јавноста.

Во пределот на Македонија се најдени многу монети од времињата што минале и на разни начини стигнале до приватните колекции на битолчани. Подолу е делумен приказ на само некои од монетите од византискиот период од III VI век.

Во победата не се понесувај, во загубата не се понижувај.

Храброто и достоинствено однесување е идеал што секоја личност сака да го постигне кај себе, а исто така високо го вреднува кај другите. Храброста не е отсуство на стравот, туку процена дека нешто е многу поважно од стравот. Храбра личност не бега од закани, тешкотии и болка, го говори она во што верува дури и кога мнозинството има спротивно мислење, се однесува во согласност со своите верувања дури и кога не се популарни.